جھنگ: وزیراعلی پنجاب مریم نواز نے کہا ہے کہ جہاں مدد کی ضرورت ہے، وہاں امداد پہنچائیں گے، جھنگ کی محرومیاں ختم کریں گے، اللہ تعالی نے عوام کے تحفظ کی ذمہ داری دی، کسی بھی جگہ حفاظتی بند توڑنے کے ٹیکنیکل کام میں مداخلت نہیں کی۔
ان خیالات کا اظہار انہوں نے جھنگ کے سیلا ب متاثرہ علاقوں کے دورہ کے موقع پر کیا۔ انہوں نے کہا کہ آبادی کو سیلاب سے بچانا اور انسانی جانوں کو محفوظ رکھنا میری سب سے پہلی ترجیح ہے، ہر صورت میں انسانی آبادی کو بچانے کو ترجیح دی گی اور دی جائے گی۔
کمشنر فیصل آباد راجا جہانگیر انور، ڈپٹی کمشنر علی اکبر اور پوری ٹیم نے بڑی محنت سے کام کیا، اپنی ٹیم پر فخر ہے۔
وزیر اعلی پنجاب نے ہدایت کہ ہ آخری فرد تک ریسکیو آپریشن کے دائرہ کار بڑھایا جائے اور سیلاب متاثرین کی تلاش کے لئے ڈرون، تھرمل امیجنگ کیمرے اور دیگر جدید ٹیکنالوجی کا استعمال میں کیا جائے۔قبل ازیں مریم نواز کو سکاڈا کنٹرول روم میں سیلاب کی صورتحال پر بریفنگ دی گئی ، کمشنر فیصل آباد راجہ جہانگیر انور اور ڈپٹی کمشنر علی اکبر نے بریفنگ دی۔
حکام کا اپنی بریفنگ میں کہنا تھ اکہ تریموں بیراج سے تاریخ کا سب سے بڑا ریلا گزرا، بروقت اقدامات سے ناصرف ملتان بل کہ دیگر علاقے بھی نقصانات سے محفوظ رہے، جب کہ جھنگ میں سیلاب سے پہلے دو لاکھ 98ہزار آبادی کا انخلا ہوا۔
اسی طرح جھنگ میں تقریبا ایک لاکھ 19ہزار کے لگ بھگ مویشیوں کوسیلابی ریلے کی آمد سے پہلے محفوظ مقامات پر منتقل کیا گیا،مویشیوں کے لئے چارہ اور ونڈا وغیرہ دیا جارہا ہے۔ 102لائیو سٹاک ورکر گاں گاں جاکر مویشیوں کی دیکھ بحال اور علاج معالجہ کررہے ہیں۔
حکام کا اپنی بریفنگ میں یہ بھی کہنا تھا کہ ضلع میں سیلاب متاثرین کے لئے 21ریلیف کیمپ قائم، تقریبا750 متاثرین مقیم ہیں، سیلاب سے جھنگ کے 181 موضع متاثرہ ہوئے۔
