لاہور: حکومت پنجاب نے لاہور میں 6 دن کیلئے دفعہ 144 کا نفاذ کرتے ہوئے نوٹیفکیشن جاری کردیا۔ تفصیلات کے مطابق حکومت پنجاب نے لاہور میں 3اکتوبر سے 8 اکتوبر تک 6 دن کیلئے دفعہ 144 نافذ کرتے ہوئے نوٹیفکیشن جاری کردیا ہے جس کے مطابق شہر میں سیاسی اجتماعات، دھرنے، جلسے، مظاہرے، احتجاج جیسی تمام سرگرمیوں پر پابندی عائد کردی گئی ہے۔
محکمہ داخلہ پنجاب کے مطابق پابندیوں کا اطلاق امن و امان کے قیام، انسانی جانوں اور املاک کے تحفظ کیلئے کیا گیا ہے۔نوٹیفکیشن کے مطابق سیکیورٹی خطرات کے تحت کوئی بھی عوامی اجتماع دہشت گردوں کیلئے سافٹ ٹارگٹ ہو سکتا ہے۔
