اسلام آباد: ترجمان دفتر خارجہ نے بتایا ہے کہ سفارتی مصروفیات،شنگھائی تعاون تنظیم سربراہان اجلاس کی تیاریوں کے پیش نظر وزیر خارجہ اسحاق ڈار نے دورہ امریکہ ملتوی کیا ہے۔
تفصیلات کے مطابق نائب وزیراعظم و وزیر خارجہ اسحاق ڈار کے دورہ امریکہ ملتوی کرنے بارے ترجمان دفتر خارجہ کی جانب سے جاری بیان میں بتایا گیا ہے کہ سفارتی مصروفیات اور شنگھائی تعاون تنظیم کے سربراہان حکومت اجلاس کی تیاریوں کے پیش نظر وزیر خارجہ اسحاق ڈار نیویارک نہیں جائیں گے۔
ترجمان نے بتایا کہ وزیراعظم شہباز شریف کا اقوام متحدہ کی جنرل اسمبلی کے اجلاس میں شرکت کا پروگرام شیڈول کے مطابق ہوگا۔
