اسلام آباد:پاکستان ریونیو آٹو میشن بورڈ کی تشکیل نو کی منظوری دے دی گئی۔ تفصیلات کے مطابق وفاقی وزیر خزانہ سینیٹر محمد اورنگزیب کی زیر صدارت کابینہ کمیٹی برائے ایس او ایز کے ورچوئل اجلاس کا انعقاد ہوا۔
اجلاس میں پاکستان ریونیو آٹومیشن کے بورڈ آف ڈائریکٹرز کی تشکیل نو کی منظوری دی گئی۔اجلاس میں نجی شعبے سے منتخب کئے گئے پانچ اکثریتی آزاد ڈائریکٹرز اور چار ایکس آفیشل ممبران کی سفارش کی گئی۔ اعلامئے کے مطابق ان ناموں کی منظوری پیشہ ورانہ تعلیم، قابلیت اور تجربہ کی بنیاد پر دی گئی ہے۔
اجلاس سے گفتگو کرتے ہوئے وزیر خزانہ محمد اورنگزیب نے کہا کہ نیا بورڈ پاکستان ریونیو آٹومیشن کی بہتر نگرانی اور انتظامی امور کو پیشہ ورانہ انداز میں چلانے میں معاون ثابت ہوگا۔
