اسلام آباد: پی ٹی آئی نے مخصوص نشستوں بارے سپریم کورٹ میں پھر درخواست دائر کردی۔تفصیلات کے مطابق پی ٹی آئی نے مخصوص نشستوں کے حصول کیلئے سپریم کورٹ میں پھر درخواست دائر کردی ہے۔
وکیل عزیز بھنڈاری کے توسط سے دائر درخواست میں استدعاء کی گئی ہے کہ قرار دیا جائے کہ الیکشن ایکٹ میں ترمیم کا 12 جولائی کے فیصلے پر اطلاق نہیں ہوتا، قرار دیا جائے کہ الیکشن کمیشن 12 جولائی کے فیصلے پر عمل درآمد سے انکار نہیں کرسکتا۔
درخواست میں کہا گیاہے کہ قرار دیا جائے کہ 12 جولائی کے فیصلے پر سپیکر کے خط کی کوئی قانونی حیثیت نہیں اسے مسترد کیا جائے۔ استدعاء ہے کہ الیکشن کمیشن کو مخصوص نشستیں دوسری سیاسی جماعتوں کو تقسیم سے روکا جائے۔
