بیجنگ: چین کا خدمات کی تجارت کا بین الاقوامی میلہ (سی آئی ایف ٹی آئی ایس)2024 بیجنگ میں اختتام پذیر ہو گیا،میلے کے منتظمین نے کہا ہے کہ میلے میں تقریباََ 1ہزار عملی نتائج حاصل کئے گئے جبکہ میلےکے 20 فیصد سے زیادہ آف لائن نمائش کنندگان میں بین الاقوامی کمپنیاں شامل تھیں۔
اس سال کے سی آئی ایف ٹی آئی ایس کے دوران حاصل کردہ نتائج میں تعمیرات، فنانس اور کاروباری خدمات جیسے شعبوں میں لین دین اور سرمایہ کاری شامل ہے۔ میلے کے دوران مجموعی طور پر 56 سیشن منعقد ہوئے جن میں بین الاقوامی تعاون کے منصوبے پر مذاکرات اور پروموشن اجلاس بھی شامل تھے۔
بیجنگ میونسپل کامرس بیورو کے سربراہ پیاؤشوئے ڈونگ نے ایک پریس کانفرنس کے دوران کہا کہ فورچون گلوبل 500 کمپنیوں اور صنعتی رہنماؤں سمیت مجموعی طور پر 111 کاروباری اداروں اوردیگراداروں نے ڈیجیٹلائزیشن، مصنوعی ذہانت (اے آئی)، طبی دیکھ بھال اور دیگر شعبوں میں 219 کامیابیاں حاصل کی ہیں، جن کی تعداد میں گزشتہ ایڈیشن کے مقابلے میں 80 کامیابیوں کا اضافہ ہوا ہے۔
پانچ روزہ میلےکے دوران 1 سو 80 سے زائد فورمز اور سرگرمیوں کا انعقاد کیا گیا،2ہزارسے زائد کمپنیوں نے آف لائن اور6 ہزارسے زیادہ نے آن لائن میلے میں شرکت کی۔ اس سال کے ایڈیشن میں متعدد جدید ٹیکنالوجیز کی نمائش کی گئی، جن میں اے آئی ڈیپ لرننگ ٹیکنالوجی سے لیس آرتھوپیڈک سرجری روبوٹ، دنیا کا سب سے چھوٹا کارڈیک پیس میکر وغیرہ شامل ہیں، جس میں مصنوعی ذہانت، کلاؤڈ کمپیوٹنگ، میٹاورس اور 6 جی جیسے شعبوں کا احاطہ کیا گیا ہے۔
وزارت تجارت کے ایک عہدیدار وانگ بو نے پریس کانفرنس کے دوران کہا کہ اس سال کے سی آئی ایف ٹی آئی ایس نے مثبت نتائج حاصل کیے ہیں ، جو اعلی سطح کے کھلے پن کے ذریعے اعلی معیار کی ترقی کو فروغ دینے کے لئے چین کے پختہ عزم کو مکمل طور پر ظاہر کرتے ہیں۔
