بیجنگ (شِنہوا) چین کی اعلیٰ مقننہ، 14 ویں قومی عوامی کانگریس کا چوتھا اجلاس جمعرات کی صبح بیجنگ کے عظیم عوامی ہال میں شروع ہوگیا۔
شی جن پھنگ اور پارٹی و ریاست کے دیگر رہنماؤں نے افتتاحی اجلاس میں شرکت کی۔
وزیراعظم لی چھیانگ نے اجلاس میں حکومتی کارکردگی رپورٹ پیش کی۔
ارکان پارلیمان نے قومی اقتصادی و سماجی ترقی کے لئے 15 ویں 5 سالہ منصوبے (2026-2030) کے مجوزہ خاکہ کا جائزہ لیا۔
انہوں نے قومی اقتصادی و سماجی ترقی کے 2025 کے منصوبے پر عملدرآمد اور 2026 کے مجوزہ منصوبے سے متعلق رپورٹ اور 2026 کے قومی اقتصادی و سماجی ترقی کے منصوبے کے مسودے کا بھی جائزہ لیا۔
چین کے دارالحکومت بیجنگ کے عظیم عوامی ہال میں 14 ویں قومی عوامی کانگریس (این پی سی) کے چوتھے سیشن کے افتتاحی اجلاس میں رہنما شریک ہیں۔(شِنہوا)
قومی عوامی کانگریس کی قائمہ کمیٹی کے نائب چیئرمین لی ہونگ ژونگ نے بالترتیب ماحولیاتی ضابطے کے مسودے، نسلی اتحاد اور ترقی کے فروغ سے متعلق قانون کے مسودے اور قومی ترقیاتی منصوبہ بندی کے قانون کے مسودے پر وضاحتی بیانات پیش کئے۔
