ماسکو (شِنہوا) روس نے ایران کے سپریم لیڈر آیت اللہ علی خامنہ ای، ان کے اہل خانہ کے چند افراد اور اعلیٰ ایرانی حکام کی امریکی اور اسرائیلی فضائی حملوں میں ہلاکت پر شدید غم و غصے اور گہرے افسوس کا اظہار کیا ہے۔
روس کی وزارت نے ایک بیان میں کہا کہ روس سیاسی قتل و غارت اور خودمختار ریاستوں کے رہنماؤں کو نشانہ بنانے کی روش کی سختی اور مستقل طور پر مذمت کرتا ہے، جو مہذب بین الریاستی تعلقات کے بنیادی اصولوں کے منافی ہے اور بین الاقوامی قانون کی سنگین خلاف ورزی ہے۔
بیان میں کہا گیا کہ جاری کشیدگی کے نتیجے میں شہریوں کی ہلاکتوں کی تعداد میں اضافہ ہو رہا ہے اور بنیادی شہری سہولتوں کو شدید نقصان پہنچ رہا ہے۔
روس نے کشیدگی فوری کم کرنے، لڑائی بند کرنے اور موجودہ مسائل کے حل کے لئے اور سفارتی عمل میں واپسی کا مطالبہ کیا تاکہ یہ کام اقوام متحدہ کے منشور اور ایٹمی ہتھیاروں کی عدم پھیلاؤ کے معاہدے (این پی ٹی) کی بنیاد پر کیا جا سکے۔
بیان میں مزید کہا گیا ہے کہ خلیج کے تمام ممالک کے جائز مفادات کو مناسب طور پر مدنظر رکھا جانا چاہیے۔
