بیجنگ (شِنہوا) چین کی مجموعی قومی پیداوار (جی ڈی پی) کے ہر 10 ہزار یوآن (1,445 امریکی ڈالر) پر کاربن ڈائی آکسائیڈ کے اخراج میں 2025 کے دوران گزشتہ سال کی نسبت 5 فیصد کمی واقع ہوئی، جو توانائی کے تحفظ اور کاربن کے اخراج میں کمی کے شعبے میں نمایاں پیش رفت کی عکاسی کرتی ہے۔
قومی ادارہ شماریات (این بی ایس) کے مطابق 2025 میں جی ڈی پی کے ہر 10 ہزار یوآن پر توانائی کی کھپت میں سالانہ بنیاد پر 5.1 فیصد کمی ریکارڈ کی گئی، جس میں خام مال کے طور پر استعمال ہونے والی اور غیر حیاتیاتی ذرائع سے حاصل توانائی شامل نہیں۔
پن بجلی، جوہری توانائی، ہوا اور شمسی توانائی سے بجلی کی پیداوار جیسے صاف توانائی کے ذرائع سے پیداوار تقریباً 42.5 کھرب کلو واٹ آور تک پہنچ گئی جو گزشتہ سال کے مقابلے میں 14.4 فیصد زیادہ ہے۔
نئی توانائی کی گاڑیوں (این ای ویز) کی پیداوار ایک کروڑ 65 لاکھ 20 ہزار سے زائد یونٹس تک پہنچ گئی جو ایک سال پہلے کے مقابلے میں 25.1 فیصد اضافہ ظاہر کرتی ہے۔ 2025 کے اختتام تک زیر استعمال نئی توانائی کی گاڑیوں کی تعداد 4 کروڑ 39 لاکھ 70 ہزار تک پہنچ گئی جو گزشتہ سال کے مقابلے میں ایک کروڑ 25 لاکھ 70 ہزار کا اضافہ ہے۔
ماحولیاتی معیار میں بھی مسلسل بہتری آئی۔ این بی ایس کے اعداد و شمار کے مطابق نگرانی میں شامل پریفیکچر سطح یا اس سے اوپر کی سطح کے 339 شہروں میں سے 72.6 فیصد شہر فضائی معیار کے مقررہ معیارات پر پورا اترے۔
 کے ہر 10 ہزار یوآن (1,445 امریکی ڈالر) پر کاربن ڈائی آکسائیڈ کے اخراج میں 2025 کے دوران گزشتہ سال کی نسبت 5 فیصد کمی واقع ہوئی، جو توانائی کے تحفظ اور کاربن کے اخراج میں کمی کے شعبے میں نمایاں پیش رفت کی عکاسی کرتی ہے۔){kind=link}