بیجنگ (شِنہوا) چین کی وزارت تجارت نے کہا ہے کہ چین امریکہ کے ساتھ دو طرفہ اقتصادی اور تجارتی تعلقات کی مثبت، مستحکم اور پائیدار ترقی کو برقرار رکھنے کے لئے مل کر کام کرنے کا خواہش مند ہے۔
وزارت تجارت کی ترجمان حہ یونگ چھیان نے یہ بات معمول کی ایک پریس بریفنگ کے دوران چین-امریکہ اقتصادی و تجارتی مشاورت کے آئندہ چھٹے دور کے حوالے سے پوچھے گئے ایک سوال کے جواب میں کہی۔
ترجمان نے کہا کہ دونوں فریقین نے چین-امریکہ اقتصادی و تجارتی مشاورتی میکانزم کے ذریعے تمام سطح پر رابطہ برقرار رکھا ہوا ہے۔
حہ یونگ چھیان نے مزید کہا کہ چین امریکہ کے ساتھ رابطہ قائم رکھنے کے لئے تیار ہے تاکہ اس اتفاق رائے پر عملدرآمد کیا جا سکے جو دونوں سربراہان مملکت کے درمیان 2025 میں بوسان میں ہونے والی ملاقات اور حال ہی میں 4 فروری کو ہونے والی ٹیلی فونک گفتگو کے دوران طے پایا تھا۔
انہوں نے کہا کہ چین اس بات کے لئے تیار ہے کہ وہ امریکہ کے ساتھ برابری کی سطح پر مشاورت کے ذریعے اختلافات کا مناسب حل نکالے، عملی تعاون کو وسعت دے اور دو طرفہ اقتصادی و تجارتی تعلقات کی مثبت، مستحکم اور پائیدار ترقی کو برقرار رکھے تاکہ دونوں ممالک اور دنیا کا بہتر فائدہ ہو سکے۔
