چین میں بہار تہوار کے سفری رش کے دوران یومیہ سفری بہاؤ کا نیا ریکارڈ قائم

بیجنگ (شِنہوا) چین میں بہار تہوار کے سفری رش کے دوران 20 فروری کو یومیہ بین العلاقائی سفری دوروں کی تعداد 35 کروڑ سے تجاوز کر گئی، جو ایک تاریخی بلند ترین سطح ہے۔

چین کی وزارت ٹرانسپورٹ کی جانب سے جاری کردہ اعداد و شمار کے مطابق 20 فروری، جو 2026 کے بہار تہوار کے سفری سیزن کا 19واں دن تھا، کو بین العلاقائی مسافر آمدورفت 35 کروڑ 29 لاکھ 99 ہزار تک پہنچ گئی۔ یہ تعداد 2025 کے اسی عرصے کے مقابلے میں 12.3 فیصد زیادہ اور ایک نیا ریکارڈ ہے۔

بہار تہوار، جسے نیا چینی سال بھی کہا جاتا ہے، اس سال 17 فروری سے منایا جا رہا ہے اور سرکاری تعطیلات 9 دن پر محیط ہیں۔ سالانہ سفری رش، جسے "چھون یون” بھی کہا جاتا ہے، کو اکثر دنیا کی سب سے بڑی انسانی نقل و حرکت قرار دیا جاتا ہے۔ توقع ہے کہ 2 فروری سے 13 مارچ تک جاری رہنے والے 40 روزہ اس سفری دورانیے میں بین العلاقائی سفری دوروں کی تعداد ریکارڈ 9.5 ارب تک پہنچ جائے گی۔