سندھ کے ضلع نوشہرو فیروز میں ٹریلر و کار کی ٹکر سے ایک ہی خاندان کے 6 افراد جاں بحق اور 1 زخمی ہو گیا۔
پولیس حکام کے مطابق حادثہ نانگو شاہ کے قریب قومی شاہراہ پر پیش آیاکار سوار افراد لاڑکانہ سے کراچی آرہے تھے کہ تیز رفتاری کے باعث ٹریلر سے ٹکرا گئے۔
حکام کے مطابق کار سوار 6 افراد موقع پر جاں بحق ہو گئے، جبکہ ٹریلر ڈرائیور زخمی ہو گیا۔
پولیس کے مطابق لاشوں اور زخمی کو ہسپتال منتقل کر دیا گیا ہے۔
