بیجنگ (شِنہوا) چینی وزارت خارجہ کے ایک ترجمان نے کہا ہے کہ چین امریکہ کی طرف سے چنکائی بندرگاہ کو کھلے عام بدنام کرنے اور اس کی ساکھ کو نقصان پہنچانے کی کوششوں کی شدید مذمت اور سختی سے مخالفت کرتا ہے۔
ترجمان لین جیان نے یہ بات اپنی معمول کی پریس بریفنگ میں امریکی محکمہ خارجہ کے بیورو برائے مغربی نصف کرہ امور کے حالیہ متعلقہ بیانات کے حوالے سے پوچھے گئے سوال کے جواب میں کہی۔
چنکائی بندرگاہ، جو ایک گہرے پانی کا مرکز اور براعظم جنوبی امریکہ کی پہلی جدید ماحول دوست بندرگاہ ہے، چین اور پیرو کے درمیان بیلٹ اینڈ روڈ تعاون کا بڑا منصوبہ ہے۔
