این ڈی ایم اے نے الخدمت فائونڈیشن کے تعاون سے 100ٹن اشیائے خوردونوش پر مشتمل 29ویں امدادی کھیپ فلسطین روانہ کر دی۔
وزیراعظم کی ہدایت پر امدادی سامان خصوصی پرواز کے ذریعے علامہ اقبال انٹرنیشنل ایئرپورٹ لاہور روانہ کیا گیا، امدادی سامان میں آٹا، چاول، کھجور، کوکنگ آئل و دیگر ضروری اشیاء شامل ہیں۔
سامان روانگی کے موقع پر این ڈی ایم اے اور وزارتِ خارجہ کے افسران کے علاوہ حکومتی نمائندگان اور الخدمت فائونڈیشن کے عہدیداران بھی موجود تھے۔
