وین چھانگ (شِنہوا) چین نے پہلی مرتبہ انسانی خلائی جہاز کے واپس آنے والے کیپسول کی سمندری تلاش اور بازیابی کامیابی سے انجام دی ہے۔
چین کے انسان بردار خلائی ادارے کے مطابق چین کے انسانی مشن کے لئے تیار کردہ جدید خلائی جہاز "مینگ ژو” (خوابوں کے جہاز) نے زیادہ سے زیادہ متحرک دباؤ کے دوران ہنگامی طور پر الگ ہونے کا تجربہ کامیابی سے مکمل کیا اور بحفاظت سمندر میں لینڈنگ کی۔ یہ تجربہ لانگ مارچ-10 کیریئر راکٹ کی کم بلندی پر آزمائشی اور توثیقی پرواز کے دوران کیا گیا۔
دوپہر 12 بج کر 20 منٹ (بیجنگ وقت) پر سمندری تلاش اور امدادی ٹیم نے واپس آنے والے کیپسول کی بازیابی مکمل کر لی۔ ادارے کے مطابق اس کامیابی سے خلائی سٹیشن کے آئندہ آپریشنز اور انسان بردار قمری مشن کے لئے اہم تجربہ حاصل ہوا ہے۔
خلائی جہاز مینگ ژو بنیادی طور پر چین کے انسان بردار قمری پروگرام کے لئے ڈیزائن کیا گیا ہے اور اسے خلائی سٹیشن کے آپریشنز کے لئے بھی استعمال کیا جا سکتا ہے۔ اس کا واپسی کیپسول متعدد بار استعمال کے قابل ہے۔
