فری ٹاؤن (شِنہوا) چینی طبی ٹیم کے 26 ویں بیچ نےسیرا لیون میں اقوام متحدہ کے فنڈ برائے اطفال (یونیسف) کے عملے کے لئے فری ٹاؤن میں یونیسف کے صدر دفتر میں موقع پر ابتدائی طبی امداد کی فراہمی کا تربیتی پروگرام منعقد کیا ۔
دو روزہ تربیتی پروگرام کا مقصد شرکاء کو ضروری ابتدائی طبی امداد کی مہارت سے آراستہ کرنا تھا، جن میں دل اور پھیپھڑوں کی بحالی، زخمیوں کی دیکھ بھال اور ہنگامی ردعمل کی تکنیکس شامل ہیں۔
طبی ٹیم کے سربراہ لیو لونگ فے نے اس اہم تربیت کی فراہمی پر اطمینان کا اظہار کیا۔ انہوں نے کہا کہ ہم چینی طبی ٹیم کی طرف سے یونیسف سیرا لیون کو موقع پر ابتدائی طبی امداد کی تربیت فراہم کرنے پر خوش ہیں۔
انہوں نے زور دیا کہ یہ اقدام سیرا لیون میں انسانی جانوں کے تحفظ کے لئے ہمارے مشترکہ عزم کی عکاسی کرتا ہے۔ 2024 سے ہماری ٹیم نے اپنی تربیتی کوششوں کو دیگر تنظیموں تک بڑھایاہے، جن میں کان کنی اور طب کے شعبوں کے طلبہ بھی شامل ہیں۔
سیرا لیون میں یونیسف کے نمائندے روڈولف شوینک نے عملے کی بہتری کے لئے تربیت کی اہمیت پر زور دیا۔ انہوں نے کہا کہ یونیسف میں ہمارے عملے کی فلاح و بہبود، حفاظت اور سلامتی ہماری ذمہ داری کا مرکزی حصہ ہیں۔
 کے عملے کے لئے فری ٹاؤن میں یونیسف کے صدر دفتر میں موقع پر ابتدائی طبی امداد کی فراہمی کا تربیتی پروگرام منعقد کیا ۔){kind=link}