بیجنگ (شِنہوا) چین کی 42 ویں انٹارکٹک مہماتی ٹیم نے منگل کو بتایا ہے کہ چین کی تیار کردہ سنو لیپرڈ 6×6 پہیوں والی گاڑی نے حال ہی میں انٹارکٹیکا کے اندرونی علاقوں میں انتہائی سخت ماحول کی آزمائش کامیابی سے مکمل کر لی ہے اور بغیر کسی خرابی کے 10 ہزار کلومیٹر سے زائد کا فاصلہ طے کیا ہے۔
گزشتہ سال 5 دسمبر سے لے کر رواں سال فروری کے اوائل تک اس سرخ رنگ کی انٹارکٹک گاڑی نے چین کے ژونگ شان اسٹیشن کے تحقیقی مرکز اور انٹارکٹیکا کے پانچ مخصوص اندرونی علاقوں میں متعدد تجربات کئے، جہاں اسے سمندری برف، بجری، نرم برف، سخت برف اور ٹھوس برف جیسی زمین کے مختلف حالات کا سامنا کرنا پڑا۔
ٹیم کے مطابق اس گاڑی کی کامیاب تصدیق نے انٹارکٹیکا میں چین کے زمینی عملے کی تیز رفتار نقل و حمل، سائنسی تحقیق کی معاونت اور ہنگامی امدادی کارروائیوں کی صلاحیت کے حوالے سے موجود آلات کی کمی کو پورا کر دیا ہے۔
