بیجنگ (شِنہوا) چین نے پاکستان کے دارالحکومت اسلام آباد میں جمعہ کو ہونے والے دھماکے کی شدید مذمت کی ہے۔
چین کی وزارت خارجہ کے ترجمان نے کہا کہ چین اس ہلاکت خیز حملے اور اس کے نتیجے میں ہونے والے بھاری جانی نقصان پر گہرے صدمے میں ہے اور جاں بحق ہونے والوں کے لئے سوگوار ہے۔ ترجمان نے کہا کہ ہمارے دل زخمیوں اور اپنے پیاروں کو کھونے والوں کے ساتھ ہیں۔
ترجمان نے مزید کہا کہ چین ہر قسم کی دہشت گردی کی مخالفت کرتا ہے اور قومی سلامتی و استحکام کے دفاع اور عوام کی جان اور مال کی حفاظت کے لئے حکومت پاکستان کی بھرپور حمایت کرتا ہے۔
