ایوان بالا کے چیئرمین سید یوسف رضا گیلانی نے کہا ہے کہ کمبوڈیا میں دوسری انٹر پارلیمنٹری سپیکرز کانفرنس کا اعلان پارلیمانی تعاون کی بڑھتی عالمی اہمیت کا ثبوت ہے۔
یوسف رضا گیلانی نے اپنے ایک بیان میں کہا کہ پارلیمانوں کے درمیان روابط عالمی استحکام اور طویل المدتی تعاون کی بنیاد ہیں۔
انہوں نے کہا کہ پاکستان فعال پارلیمانی سفارتکاری کے ذریعے عالمی برادری میں مثبت کردار ادا کر رہا ہے، پارلیمان عالمی مکالمے اور اعتماد سازی میں مرکزی ستون ہے۔
چیئرمین سینیٹ نے کہا کہ پارلیمانی سفارتکاری عالمی امن اور پائیدار شراکت داری کیلئے ناگزیر ہے، انٹر پارلیمنٹری سپیکرز کانفرنس پاکستان کے عالمی سفارتی وژن کی عکاس ہے۔
