بیجنگ (شِنہوا) چائنہ سٹیٹ ریلوے گروپ کمپنی لمیٹڈ نے کہا ہے کہ چینی ریلوے نے بہار میلے کے سفری رش کے پہلے دن تقریباً ایک کروڑ 22 لاکھ 40 ہزار سفری دورے نمٹائے۔
کمپنی کے مطابق منگل کی صبح 8 بجے تک ملک کے ٹرین ٹکٹ بکنگ پلیٹ فارم 12306 نے چھون یون کے لئے 8 کروڑ 44 لاکھ 90 ہزار ٹکٹ فروخت کئے تھے۔ 40 روزہ سفری رش 13 مارچ کو ختم ہو گا۔
بہار میلہ، جسے چینی نیا سال بھی کہا جاتا ہے، اس سال 17 فروری کو آ رہا ہے اور سرکاری تعطیلات 9 دنوں پر محیط ہوں گی۔
سالانہ سفری رش کے دوران ریکارڈ 9.5 ارب بین العلاقائی سفری دورے متوقع ہیں۔ان میں سے 54 کروڑ سفری دورے ملک کی ریلوے کے ذریعے کئے جائیں گے ۔
