تائی یوآن (شِنہوا) کوئلے کی دولت سے مالا مال چین کے شمالی صوبے شنشی میں 2025 کے دوران پہلی مرتبہ نئی اور صاف توانائی کی نصب شدہ صلاحیت کوئلے سے توانائی کی پیداوار کی صلاحیت سے تجاوز کر گئی۔
صوبائی عوامی کانگریس کے جاری سالانہ اجلاس میں بتایا گیا کہ گزشتہ سال نئی اور صاف توانائی کی نصب شدہ صلاحیت 90.48 گیگا واٹ تک پہنچ گئی جو گزشتہ سال کے مقابلے میں 18.29 گیگا واٹ زیادہ ہے اور یہ شرح صوبے کی بجلی کی مجموعی صلاحیت کا 55.1 فیصد ہے۔
2021 سے 2025 کی مدت کے دوران شنشی میں نصب شدہ بجلی کی صلاحیت 164 گیگا واٹ تک پہنچ گئی۔ شنشی میں پیدا ہونے والی بجلی 24 صوبوں،خود مختار خطوں اور بلدیات کو فراہم کی گئی، اس لحاظ سے یہ توانائی پیدا کر نے والا چین کا سر فہرست خطہ ہے۔
ریاستی گرڈ شنشی الیکٹرک پاور کمپنی لمیٹڈ نے بتایا کہ سال 2025 میں پہلی مرتبہ شنشی کی نئی توانائی کی پیداوار 100 ارب کلو واٹ آور سے تجاوز کر کے 118 ارب کلو واٹ آور تک پہنچ گئی۔
یہ صوبہ کوئلے کی کان کنی سے متاثرہ زمینوں، جو کوئلے کے زیر زمین وسائل ختم ہونے کے بعد دھنس جاتی ہیں، کو نئی توانائی کے مراکز میں تبدیل کر رہا ہے۔
اجلاس میں کہا گیا کہ آئندہ پانچ سال میں شنشی توانائی کی منتقلی کو بھرپور انداز میں آگے بڑھائے گا اور قابل تجدید توانائی کی صلاحیت میں 10 کروڑ کلو واٹ کا اضافہ کرنے کی کوشش کرے گا۔
