پنجاب اسمبلی میں پیش کی گئی پوسٹ بجٹ رپورٹ نے بھانڈا پھوڑ دیا ہے کہ پنجاب حکومت نے سرکاری عمارتوں کی تزئین و آرائش پرسرکاری خزانہ لٹا دیا ہے۔
رپورٹ کے مطابق سرکاری عمارتوں کی تزئین و آرائش پر بجٹ 25-26کی دوسری سہ ماہی تک مجموعی طور پر 26ارب سے زائد خرچ کیا گیا ہے۔
رپورٹ کے مطابق پہلی سہ ماہی میں 38ارب روپے سے زائد جاری ہوئے جبکہ اب تک 13ارب سے زائد خرچ ہوئے ہیں، دوسری سہ ماہی میں 20ارب روپے سے زائد جاری ہوئے جبکہ اب تک 13ارب سے زائد خرچ ہوئے ہیں۔
بجٹ 25-26میں سرکاری عمارتوں کی تزئین و آرائش کیلئے 161ارب روپے سے زائد رکھے گئے تھے۔
دوسری سہ ماہی تک محکمہ آبپاشی نے مجموعی طور پر 7ارب سے زائد خرچ کئے ہیں جبکہ سڑکوں کی تزئین و آرائش پر 37ارب روپے سے زائد خرچ کئے گئے ہیں۔
