پاکستان کسٹمز نے جناح ٹرمینل کے انٹرنیشنل ارائیول پر کارروائی کرتے ہوئے امریکا سے آنیوالے مسافر سے 1185گرام سونے کے زیورات، کاسمیٹکس اور پرفیومز کی بڑی مقدار برآمد کرلی ہے۔
حکام کے مطابق مسافر کو گرین چینل سے ریڈ چینل پر منتقل کرکے اسکے سامان کی سکیننگ کی گئی۔
حکام نے پروفائلنگ کی بنیاد پر امریکا سے آنیوالے مشکوک مسافر کو ریڈ چینل پر منتقل کیا تھا، سکیننگ کے دوران مسافر سے تجارتی مقدار میں قابل ٹیکس و ڈیوٹی اشیا برآمد ہوئیں، برآمد ہونیوالی اشیاء کی مالیت 5کروڑ 80 لاکھ روپے ہے۔
مقدمہ درج کرکے برآمد ہونیوالی اشیاء کو ضبط کرلیا گیا ہے۔
