دبئی کی حکومت نے دبئی میں ایئر پورٹ استعمال کرنیوالے مسافروں کیلئے ایک نئی خوشخبری سنائی ہے۔
غیر ملکی میڈیا کے مطابق حکومت دبئی نے سفر کو مزید آسان بنانے کیلئے نیا منصوبہ متعارف کروا دیا ہے جس کے تحت اب مسافر ایئر پورٹ جانے سے پہلے ہی شہر کے مختلف مقامات سے اپنا چیک اِن مکمل کر سکیں گے، نئے منصوبے کے تحت دبئی میں ایئر پورٹ کے علاوہ بھی خصوصی چیک اِن سنٹرز قائم کئے جائینگے جہاں مسافر بورڈنگ پاس حاصل کر سکیں گے اور اپنا سامان جمع کروا سکیں گے، اسکے بعد مسافر سیدھا ایئر پورٹ پہنچ کر جہاز میں سوار ہونگے۔
حکام کے مطابق اس اقدام کا مقصد ایئر پورٹ پر رش کم کرنا اور مسافروں کو زیادہ سہولت فراہم کرنا ہے۔
دبئی پہلے ہی دنیا کا تیز ترین امیگریشن سسٹم متعارف کروا چکا ہے، جہاں مسافر اوسطا 30 سیکنڈ سے 6 منٹ میں امیگریشن کلیئر کر لیتے ہیں۔
نئے چیک اِن نظام سے نہ صرف وقت کی بچت ہوگی بلکہ دبئی ائیر پورٹ پر دباؤ بھی کم ہوگا اور سفر کا تجربہ مزید بہتر ہو جائے گا۔
