ایچ بی ایل پاکستان سپر لیگ ( پی ایس ایل) کے 11ویں ایڈیشن میں کھلاڑیوں کی کیٹیگریز کا اعلان کر دیا گیا ہے جس کے مطابق 89 مقامی کھلاڑیوں کو 5 مختلف کیٹیگریز میں تقسیم کیا گیا ہے۔
پلاٹینم کیٹیگری میں 16 کھلاڑی شامل ہیں، سلمان علی آغا، حسن علی، محمد نواز اور ابرار احمد کی ڈائمنڈ سے پلاٹینم کیٹیگری میں ترقی ہوئی ہے۔
صاحبزادہ فرحان گولڈ سے پلاٹینم کیٹیگری میں پہنچ گئے جبکہ بابر اعظم، شاہین شاہ آفریدی، محمد رضوان، فخر زمان، صائم ایوب، نسیم شاہ، حارث رف اور شاداب خان پلاٹینم کیٹیگری میں برقرار ہیں۔
اسی طرح 11 کھلاڑی ڈائمنڈ کیٹیگری میں شامل کیے گئے ہیں، گولڈ سے ڈائمنڈ میں ترقی پانے والوں میں محمد وسیم جونیئر، سفیان مقیم اور سلمان مرزا شامل ہیں۔
پی ایس ایل کے 11 ویں ایڈیشن میں گولڈ کیٹیگری میں 32 کھلاڑی شامل ہیں جبکہ سلور اور ایمرجنگ کیٹیگری میں 30 کھلاڑی ہوں گے۔
آکشن سے پہلے ہر فرنچائز کل 4 کھلاڑی اور فی کیٹیگری ایک کھلاڑی برقرار رکھ سکے گی۔
پی ایس ایل کا پہلا اور تاریخی پلیئرز آکشن 11 فروری کو ہوگا، اس سلسلے میں غیر ملکی کھلاڑیوں کی رجسٹریشن کی تاریخ 3 فروری تک بڑھا دی گئی ہے۔
 کے 11ویں ایڈیشن میں کھلاڑیوں کی کیٹیگریز کا اعلان کر دیا گیا ہے جس کے مطابق 89 مقامی کھلاڑیوں کو 5 مختلف کیٹیگریز میں تقسیم کیا گیا ہے۔){kind=link}