نائب امیر جماعت اسلامی لیاقت بلوچ نے کہا ہے کہ بیوروکریسی نظام فرسودہ ہوچکا، مکمل و جدید تقاضوں سے ہم آہنگ تبدیلی ناگزیر ہے۔
جاری بیان میں لیاقت بلوچ نے کہا کہ سٹاک ایکسچینج جھوٹ اور سٹے کا دھندہ ہے جس کو مافیا کنٹرول کرتے ہیں، بجلی گیس سرکلر ڈیٹ بڑھ رہا ہے صارفین کو نچوڑا جاچکا ہے اب مزید بوجھ نہ ڈالا جائے۔
انہوں نے کہا کہ بسنت پر حکومت سیاست کر رہی ہے تو سیاسی پابندی کیوں لگا رہی ہے؟، حکومت کی ناکام معاشی پالیسی سے برآمدات کم اور درآمدات بڑھ رہی ہیں۔
انہوں نے کہا کہ پی سی بی ٹی 20ورلڈ کپ تنازع پر بنگلہ دیش اور سری لنکا سے بھی بات کرے۔
