پاکستان شوبز انڈسٹری سے تعلق رکھنے والے اداکار عمر عالم رشتہ ازدواج میں منسلک ہوگئے ہیں، انکا نکاح فضا مسرور سے ہوا ہے، نکاح کی تقریب سادگی سے ہوئی جس میں صرف قریبی رشتے داروں اور دوستوں نے شرکت کی۔
اپنے نکاح پر اداکار نے ہلکے آسمانی رنگ کا لباس پہنا جبکہ دلہن گلابی رنگ کے عروسی جوڑے میں نظر آئیں۔
عمر عالم نے فوٹو شوٹ سمندر کنارے کروایا جس میں جوڑے کو مختلف پوز کرتے دیکھا جاسکتا ہے۔
اداکار نے تصاویر انسٹاگرام پر شیئر کیں جس پر ان کے چاہنے نے ان کیلئے نیک تمنائوں کا اظہار کیا۔
واضح رہے کہ عمر عالم نے اپنی اہلیہ فضا مسرور کو ایک فضائی سفر کے دوران منفرد انداز میں جہاز میں پروپوز کیا تھا جس کی ویڈیو سوشل میڈیا پر خوب وائرل ہوئی تھی۔
