پاکستان کرکٹ بورڈ نے ٹی ٹوئنٹی ورلڈ کپ 2026 کیلئے سکواڈ کا اعلان کر دیا ہے، سلمان علی آغا 15 رکنی سکواڈ کے کپتان مقرر کئے گئے ہیں۔
ذرائع کے مطابق سکواڈ میں فہیم اشرف، خواجہ محمد نافع، محمد سلمان مرزا، صاحبزادہ فرحان، عثمان طارق ، ابرار احمد شامل ہیں، بابر اعظم، فخر زمان، محمد نواز، شاہین شاہ آفریدی، عثمان خان، صائم ایوب، شاداب خان اور نسیم شاہ بھی ٹیم کا حصہ ہیں۔
پاکستان 7 فروری کو نیدرلینڈز کیخلاف ورلڈ کپ مہم کا آغاز کریگا، ٹی ٹوئنٹی ورلڈ کپ کے میچز 7 فروری سے 8 مارچ تک ہونگے، ورلڈکپ سے قبل پاکستان آسٹریلیا کیخلاف تین میچوں کی ٹی ٹوئنٹی سیریز کھیلے گا جو ورلڈکپ کیلئے تیاری ہوگی۔
