پنجاب کے 51 شہروں میں مریم نواز کا سوہنا پنجاب پراجیکٹس پر کام کا باقاعدہ آغاز کردیا گیا ہے، پروگرام کے تحت پنجاب کے ہر شہر میں سیوریج مہیا ہوگا، بہترین سڑکیں تعمیر کی جائینگی، تحفظ یقینی ہوگا اور صحت تمام بنیادی سہولتیں لازم ہونگی۔
وزیراعلیٰ نے پنجاب کو مزید حسین بنانے کا پراجیکٹ جون 2026 تک مکمل کرنے اور ہر شہر میں سیوریج سمیت دیگر بنیادی پراجیکٹس کی جلد تکمیل کا حکم دیا ہے، پنجاب ڈویلپمنٹ پلان پر عملدرآمد یقینی بنانے کیلئے صوبائی و ضلعی کنٹرول روم قائم ہوگا، گوجرانوالہ کی تاریخ کا سب سے بڑا ترقیاتی پیکج ہر گلی، ہر محلے تک ترقی پہنچانے کیلئے 42ارب 62کروڑ کا تاریخی پنجاب ڈویلپمنٹ پلان منظور کیا گیا ہے، گوجرانوالہ شہر میں صحتمند اور محفوظ زندگی کیلئے 131کلومیٹر سیوریج اور 2کلومیٹر ڈرینیج لائن بچھائی جائیگی، گوجرانوالہ میں ویسٹ واٹر ٹریٹمنٹ پلانٹ اور 16 مشینری یونٹ بھی مہیا کیے جائینگے۔
اس سلسلے میں وزیراعلیٰ مریم نواز شریف کی زیر صدارت خصوصی اجلاس میں پنجاب ڈویلپمنٹ پلان کے ہر منصوبے کی شفاف اور بروقت تکمیل کیلئے جائزہ لیا گیا، ملتان، ڈیرہ غازی خان، بھکر، وہاڑی، وزیرآباد، گوجرانوالہ، شیخوپورہ اور قصور کے ڈپٹی کمشنرز نے پنجاب ڈویلپمنٹ پلان کی پیشرفت کے بارے میں وزیراعلیٰ کو براہ راست رپورٹس پیش کردیں جس میں پنجاب کے 51 شہروں میں شہری صحت اور بنیادی سہولتیں یقینی بنانے کیلئے 5887 کلومیٹر طویل سیوریج اور 181 ڈرینج لائنیں تعمیر کی جائیں گی۔
