وزیر خزانہ کے مشیر خرم شہزاد نے کہا ہے کہ خصوصی سرمیہ کاری سہولت کونسل کے تعاون سے پاکستان کی معیشت پر عالمی شراکت داروں کا اعتماد مزید مضبوط ہونے لگا ہے، پاکستان کے مالیاتی شعبے میں ایک اور بڑی پیشرفت سامنے آئی ہے اور کویت کے تعاون سے رقمی اسلامک ڈیجیٹل بینک کا آغاز ہوگیا ہے، بینک اگلے ماہ پاکستان میں اپنے آپریشنز کا آغاز کریگا جس میں ابتدائی طور پر 10 کروڑ امریکی ڈالر کی سرمایہ کاری کی جا رہی ہے۔
رقمی اسلامک ڈیجیٹل بینک کویت انوسٹمنٹ اتھارٹی کی معاونت سے قائم کیا گیا ہے جس کا آغاز پاکستان کے مالیاتی شعبے کیلئے ایک بڑی پیشرفت سمجھی جا رہی ہے، یہ سرمایہ کاری پاکستان کی بہتر ہوتی ہوئی معیشت اور جاری اصلاحات پر عالمی اعتماد کا واضح ثبوت ہے۔
انہوں نے کہا کہ پاکستان اور کویت کے درمیان مالیاتی اور ڈیجیٹل معیشت کے شعبوں میں سرمایہ کاری کا تعاون مضبوط ہو رہا ہے، یہ سرمایہ کاری پاکستان میں ڈیجیٹل تبدیلی اور مالیاتی نظام کے استحکام میں اہم کردار ادا کریگی۔
رقمی بینک مکمل طور پر ڈیجیٹل اسلامی بینک کے طور پر کام کریگا، ڈیجیٹل بینکاری کا مقصد جدید ٹیکنالوجی کے ذریعے بینکاری نظام کومو ثر بنانا اور زیادہ سے زیادہ افراد کو مالی نظام سے ہم آہنگ کرنا ہے۔
انہوں نے کہا کہ ایس آئی ایف سی کی موثر سہولت کاری سے جدید اور پائیدار مالیاتی نظام کی راہیں ہموار ہو رہی ہیں۔
