خیبرپختونخوا حکومت نے عوامی تنقید کے بعد منرل ڈویلپمنٹ کمپنی پر عملدرآمد روک دیا۔
سوشل میڈیا پر وزیراعلی سہیل آفریدی کی جانب سے جاری پیغام میں کہا گیا ہے کہ جیسے انرجی اور تیل و گیس کیلئے اپنی کمپنی بنائی جا چکی ہے ایسی ہی صوبائی حکومت معدنیات کیلئے بھی ایک کمپنی بنانا چاہتی ہے تاکہ خیبرپختونخوا کے عوام اپنے قیمتی وسائل سے فائدہ اٹھا سکیں اور غیرقانی مائننگ اور مافیاز کا خاتمہ ہو۔
انہوں نے کہا کہ کابینہ میں پیش ہونیوالا بل مائنز اینڈمنرل بل 2025ء نہیں بلکہ خیبرپختونخوا منرل ڈویلپمنٹ کمپنی بنانے کا تھا، تاہم عوام میں مائنز اینڈ منرلز کے حوالے سے کئی چیزوں کو لے کر ابہام اور شکوک و شبہات ہیں، لہٰذا ہم کمپنی اور قانون سازی کے عمل کو فی الحال یہیں روک رہے ہیں کیونکہ عوام کا اعتماد ہی ہماری اولین ترجیح ہے۔
