خیبر پختونخوا حکومت نے منرل ڈویلپمنٹ اینڈ مینجمنٹ کمپنی بل پر وضاحت جاری کرتے ہوئے کہا ہے کہ بل عملی و ادارہ جاتی اصلاح، اقدام سے صوبے کی آمدن میں اضافہ، سرمایہ کاری کو فروغ ملے گا۔
جاری بیان میں معاون خصوصی شفقت ایاز نے کہا ہے کہ بانی پی ٹی آئی نے مائنز اینڈ منرلز ایکٹ کی مخالفت کی تھی جبکہ خیبرپختونخوا کابینہ نے منرل ڈویلپمنٹ اینڈ مینجمنٹ کمپنی بل کی منظوری دی ہے، کمپنی بل کے تحت صوبے میں مائننگ کے قواعد و ضوابط، لائسنسنگ، رائلٹی، نگرانی اور قانونی فریم ورک متعین کیا گیا ہے۔
انہوں نے کہا کہ منرل ڈویلپمنٹ اینڈ مینجمنٹ کمپنی بل عملی اور ادارہ جاتی اصلاح ہے، بل کے تحت صوبائی حکومت اپنی ایک سرکاری کمپنی قائم کر رہی ہے، اقدام سے صوبے کی آمدن میں اضافہ، سرمایہ کاری کو فروغ، روزگار کی تخلیق ہوگی اور وسائل کا عوامی مفاد میں استعمال ممکن ہوگا۔
