صدر آصف علی زرداری نے جوڈیشل کمیشن کی سفارشات کے تحت وزیراعظم کے مشورے پر لاہور، سندھ اور پشاور ہائیکورٹس کے ایڈیشنل ججز کی توثیق و مدت ملازمت میں توسیع کی منظوری دے دی۔
ذرائع کے مطابق سندھ ہائی کورٹ کے 10 ایڈیشنل ججز جسٹس میران محمد شاہ، جسٹس تسنیم سلطانہ، جسٹس ریاضت علی سحر، جسٹس محمد حسن، جسٹس عبدالحمید بھگی، جسٹس جان علی جونیجو، جسٹس نثار احمد بھنبھرو، جسٹس علی حیدر، جسٹس محمد عثمان علی ہادی اور جسٹس محمد جعفر رضا کو مستقل جبکہ 2ایڈیشنل ججز جسٹس خالد حسین شاہانی اور جسٹس سید فیض الحسن شاہ کی مدت میں 6 ماہ توسیع کی منظوری دی گئی۔
لاہور ہائی کورٹ کے 11ایڈیشنل ججز کو مستقل کرنے کی منظوری دی گئی ہے جن میں جسٹس حسن نواز مخدوم، جسٹس ملک وقار حیدر اعوان، جسٹس سردار اکبر علی، جسٹس سید احسن رضا کاظمی، جسٹس ملک جاوید اقبال وینس، جسٹس محمد جواد ظفر، جسٹس خالد اسحاق، جسٹس ملک محمد اویس خالد، جسٹس چودھری سلطان محمود، جسٹس تنویر احمد شیخ اور جسٹس عبہر گل خان شامل ہیں جبکہ ایڈیشنل جج جسٹس طارق محمود باجوہ کی مدت میں 6ماہ کی توسیع کی گئی۔
پشاور ہائی کورٹ کے 6 ایڈیشنل ججز جسٹس محمد طارق آفریدی، جسٹس عبدالفیاض، جسٹس صلاح الدین مستقل، جسٹس صادق علی، جسٹس سید مدثر امیر اور جسٹس قاضی جواد احسان اللہ کی مستقلی کی منظور ی دی گئی ہے جبکہ 4 ایڈیشنل ججز جسٹس فرح جمشید، جسٹس انعام اللہ خان، جسٹس ثابت اللہ خان اور جسٹس اورنگزیب کی مدت ملازمت میں 6ماہ کی توسیع کی گئی ہے۔
