پاکستان سپر لیگ (پی ایس ایل) کی سب سے مہنگی فرنچائز سیالکوٹ کی ٹیم کے مکمل نام کا اعلان کردیا گیا ہے۔
او زی گروپ کے چیئرمین حمزہ مجید نے شریک مالک کامل خان اور دیگر سٹیک ہولڈرز کیساتھ پریس کانفرنس میں کہا کہ پی ایس ایل میں سیالکوٹ کی ٹیم سیالکوٹ سٹالینز کے تاریخی اور مقبول نام کیساتھ میدان میں اتریگی، سٹالینز صرف ایک نام نہیں بلکہ سیالکوٹ کی کرکٹ کی پہچان اور ایک عظیم تاریخ کا عنوان ہے، شائقین کرکٹ کی خواہشات اور سیالکوٹ کی روایتی پہچان کو برقرار رکھنے کیلئے اسی نام کا انتخاب کیا گیا ہے۔
حمزہ مجید نے کہا کہ سیالکوٹ سٹالینز کی واپسی سے پی ایس ایل کی رونقیں دوبارہ بحال ہوں گی، ہم ایک ایسی ٹیم تشکیل دے رہے ہیں جو نہ صرف بہترین کھیل پیش کریگی بلکہ نوجوان ٹیلنٹ کو عالمی سطح پر ایک نیا مقام دلائیگی۔
حمزہ مجید نے واضح کیا کہ او زی گروپ ٹیم کے لوگو، کٹ اور کھلاڑیوں کے انتخاب کے حوالے سے جلد ہی بڑے سرپرائزز دے گا۔
 کی سب سے مہنگی فرنچائز سیالکوٹ کی ٹیم کے مکمل نام کا اعلان کردیا گیا ہے۔){kind=link}