پاکستان سپر لیگ(پی ایس ایل)کے انتظامی ڈھانچے میں تبدیلیوں کا اعلان کردیا گیا ہے جبکہ ٹورنامنٹ کے گیارہویں ایڈیشن میں کھلاڑیوں کی سلیکشن ڈرافٹ کے بجائے آکشن سے ہوگی۔
ذرائع کے مطابق آکشن سسٹم سے ٹیمیں متوازن بنیں گی اور کھلاڑیوں کو زیادہ کمائی کا موقع ملے گا، نئے ایڈیشن میں مینٹورز، برانڈ ایمبیسڈر اور رائٹ ٹو میچ قوانین کو ختم کردیا گیا ہے، آکشن سے قبل ہر فرنچائز مجموعی طور پر 4کھلاڑی ریٹین کرسکتی ہے مگر ہر کیٹیگری میں زیادہ سے زیادہ ایک کھلاڑی ہوگا۔
ذرائع کے مطابق نئی آنیوالی دونوں ٹیموں کو آکشن سے قبل چار چار کھلاڑی منتخب کرنے کا موقع ملے گا جبکہ ہر فرنچائز کو ایک انٹرنیشنل کھلاڑی کو ڈائریکٹ سائن کرنے کی اجازت دیدی گئی ہے۔
ذرائع کے مطابق ڈائریکٹ سائننگ کیلئے اہل بین الاقوامی کھلاڑی کیلئے لازمی ہوگا کہ وہ 2025 ایڈیشن کا حصہ نہ رہا ہو، ایچ بی ایل پی ایس ایل کا 11واں ایڈیشن 26مارچ سے شروع ہوگا، اس سیزن کے کچھ میچز کا انعقاد اقبال سٹیڈیم فیصل آباد میں بھی کیا جائیگا۔
کے انتظامی ڈھانچے میں تبدیلیوں کا اعلان کردیا گیا ہے جبکہ ٹورنامنٹ کے گیارہویں ایڈیشن میں کھلاڑیوں کی سلیکشن ڈرافٹ کے بجائے آکشن سے ہوگی۔){kind=link}