آئی سی سی مینز انڈر 19کرکٹ ورلڈ کپ میں سری لنکن بیٹسمین ویران چامودیتھا نے ایونٹ کی تاریخ کے سب سے بڑے انفرادی سکور کا نیا ورلڈ ریکارڈ قائم کر دیا ہے۔
ویران نے ہفتے کو جاپان کیخلاف میچ میں شاندار کارکردگی کا مظاہرہ کرتے ہوئے نئی تاریخ رقم کر دی، انہوں نے نامیبیا کرکٹ گرانڈ میں 143گیندوں پر 192رنز کی شاندار اننگز کھیلی جو انڈر 19ورلڈ کپ کی تاریخ کا سب سے بڑا انفرادی سکور ہے، انکی یادگار اننگز میں 26چوکے اور ایک چھکا شامل تھا، اننگز کی بدولت ویران چامودیتھا نے اپنے ہی ہم وطن کھلاڑی ہسیتھ بویاگوڈا کا 2018میں کینیا کیخلاف بنایا گیا 191رنز کا ریکارڈ توڑ دیا، تاریخی اننگز کے دوران چامودیتھا اور اوپننگ پارٹنر دیمانتھا مہاویتانا کے درمیان 328رنز کی شراکت قائم ہوئی جو آئی سی سی مینز انڈر 19ورلڈ کپ کی تاریخ میں کسی بھی وکٹ کیلئے سب سے بڑی شراکت ہے، اس ریکارڈ ساز اوپننگ شراکت کی بدولت سری لنکا نے جاپان کیخلاف 387رنز سکور کیے۔
جواب میں جاپان کی انڈر 19 ٹیم مقررہ 50اوورز میں 8وکٹوں کے نقصان پر صرف 184رنز بنا سکی، یوں سری لنکا انڈر 19ٹیم نے میچ 203 رنز سے جیت لیا۔
