آسٹریلیا کی کرکٹ لیگ بگ بیش کے سست ترین بیٹسمینوں کی فہرست میں پاکستانی کھلاڑیوں محمد رضوان اور بابر اعظم نے ٹاپ 2 پوزیشنز حاصل کرلیں، پاکستان کے دونوں پلیئرز سے ٹیموں نے بہت زیادہ توقعات وابستہ کی تھیں مگر دونوں نے ہی ہارڈ ہٹنگ کے بجائے روایتی محتاط کرکٹ کھیلی۔
رواں سیزن میں سٹرائیک ریٹ کے حوالے سے سب سے سست بیٹنگ کرنیوالے بیٹسمینوں کی فہرست کے ٹاپ پر محمد رضوان موجود ہیں جنہوں نے 102.74 کے اسٹرائیک ریٹ سے رنز سکور کئے، انہوں نے 10اننگز میں 18.7کی اوسط سے 187رنز بنائے اور وہ کوئی نصف سنچری تک نہیں بنا سکے۔
بابراعظم کا سٹرائیک ریٹ 107.48 ہے، انہوں نے اب تک 9میچز میں 28.71 کی اوسط اور 2 نصف سنچریوں کی مدد سے 201 رنز بنائے ہیں۔
تیسرے نمبر پر 110.21کے سٹرائیک ریٹ کیساتھ کونسٹاس اور 127.50کے سٹرائیک ریٹ کیساتھ ٹام روجرز موجود ہیں۔
