پاکستان اور آسٹریلیا کے درمیان رواں ماہ شروع ہونیوالے ٹی ٹوئنٹی سیریز کا وقت تبدیل کرنے کا فیصلہ کرلیا گیا ہے، ذرائع کے مطابق اوقات میں تبدیلی کے فیصلے کا باضابطہ اعلان جلد متوقع ہے، تبدیلی موسمی شدت کی وجہ سے کی جارہی ہے۔
3ٹی ٹوئنٹی میچز 29، 31جنوری اور یکم فروری کو قذافی سٹیڈیم لاہور میں کھیلے جائیں گے۔
اوقات میں تبدیلی کے حوالے سے ذرائع کا کہنا ہے کہ ٹی ٹوئنٹی میچز سہ پہر 4 بجے شروع ہونگے، ٹاس سہ پہر ساڑھے تین بجے ہوگا، اس سے قبل پہلے شیڈول کے مطابق میچز کا آغاز چھ بجے اور ٹاس ساڑھے پانچ بجے ہونا تھا۔
