پنجاب حکومت نے صوبہ بھر میں پتنگ بازی پر سخت کارروائی کی ہدایت جاری کردی ہے۔
محکمہ داخلہ پنجاب کے مطابق پنجاب میں پتنگ سازی اور پتنگ بازی پر پابندی برقرار ہے، پتنگ بازی پر 5سال قید اور 20لاکھ روپے تک جرمانہ ہوگا جبکہ پتنگ اور ڈور بنانے اور بیچنے یا ترسیل پر 7سال قید اور 50لاکھ تک جرمانہ ہوگا۔
محکمہ داخلہ پنجاب کے مطابق لاہور میں بسنت کی محدود اجازت صرف 6، 7اور 8فروری کیلئے ہے، مقررہ دنوں اور وقت سے قبل پتنگ بازی غیرقانونی ہے، کسی بھی مقام پر قبل از وقت پتنگ سازی یا پتنگ بازی انسانی جانوں کیلئے خطرہ ہے۔
