پاکستان کرکٹ بورڈ (پی سی بی) نے پاکستان سپر لیگ کی فرنچائز ملتان سلطانز کی فروخت کا باقاعدہ اعلان کرتے ہوئے اس کیلئے اشتہار بھی جاری کر دیا ہے۔
پی سی بی نے ملتان سلطانز کی بڈز کیلئے خواہشمند پارٹیز کو مدعو کر لیا ہے۔
پی سی بی کے مطابق ٹیکنیکل پروپوزلز کیلئے دستاویزات جمع کرانے کی آخری تاریخ 30جنوری ہے، تکنیکی طور پر کوالیفائیڈ بولی دہندہ گان اگلے مرحلے میں داخل ہونگے۔
قبل ازیں پی سی بی نے پی ایس ایل 11میں ملتان سلطانز کے معاملات خود چلانے کا اعلان کیا تھا لیکن اب پی سی بی ملتان سلطانز کو بھی فروخت کریگا۔
ذرائع نے کہا ہے کہ پی ایس ایل کی دو نئی ٹیموں کی آکشن پی سی بی کی توقعات سے بڑھ کر رہی، دو نئی ٹیموں کی اچھی قیمت ملنے سے اب ملتان سلطانز کی بھی آکشن کا فیصلہ کیا گیا ہے۔
 نے پاکستان سپر لیگ کی فرنچائز ملتان سلطانز کی فروخت کا باقاعدہ اعلان کرتے ہوئے اس کیلئے اشتہار بھی جاری کر دیا ہے۔){kind=link}