ایران کیساتھ کشیدگی کے بعد ممکنہ فوجی کارروائی کے تناظر میں امریکی فوج کی سینٹرل کمانڈ(سینٹ کام)نے علاقائی شراکت داروں کے تعاون سے قطر کے العدید ایئر بیس میں ایک نیا کوآرڈی نیشن سیل قائم کر دیا ہے جس کا مقصد مشرقِ وسطی میں فضائی اور میزائل دفاعی صلاحیتوں کو مزید مضبوط بنانا ہے۔
سینٹ کام کے مطابق مڈل ایسٹ ایئر ڈیفنس کمبائنڈ ڈیفنس آپریشنز سیل کو قطر میں قائم کمبائنڈ ایئر آپریشنز سینٹرکے اندر قائم کیا گیا ہے، سیل میں امریکا کیساتھ ساتھ علاقائی شراکت دار ممالک کے فوجی اہلکار بھی شامل ہونگے۔
بیان میں کہا گیا ہے کہ قطر میں موجود کمبائنڈ ایئر آپریشنز سینٹر تقریباً 20سال قبل قائم کیا گیا تھا اور اسوقت اس میں 17ممالک کے نمائندے خدمات انجام دے رہے ہیں۔
سینٹ کام کے مطابق نیا قائم ہونیوالا سیل علاقائی ممالک کے درمیان فضائی اور میزائل دفاع کے شعبے میں تعاون کو مزید موثر بنانے کیلئے کام کریگا، سیل حساس معلومات کے تبادلے اور ممکنہ خطرات سے متعلق بروقت وارننگز جاری کرنے کی ذمہ داری بھی ادا کریگا۔
امریکی حکام نے کہا ہے کہ اس اقدام سے خطے میں سکیورٹی تعاون کو فروغ ملے گا اور فضائی خطرات سے نمٹنے کی صلاحیت میں نمایاں بہتری آئیگی۔
نے علاقائی شراکت داروں کے تعاون سے قطر کے العدید ایئر بیس میں ایک نیا کوآرڈی نیشن سیل قائم کر دیا ہے جس کا مقصد مشرقِ وسطی میں فضائی اور میزائل دفاعی صلاحیتوں کو مزید مضبوط بنانا ہے۔){kind=link}