اقوام متحدہ کے سیکرٹری جنرل انتونیو گوتریس نے ایران میں مظاہرین کیخلاف تشدد پر تشویش کا اظہار کرتے ہوئے کہا ہے کہ مظاہرین کیخلاف تشدد اور طاقت کے استعمال کی اطلاعات تشویشناک ہیں، ان کارروائیوں کے نتیجے میں متعدد افراد ہلاک اور زخمی ہوئے ہیں، آزادی اظہار، آزادی اجتماع اور پر امن احتجاج کے حق کا احترام ضروری ہے۔
انکا کہنا تھا کہ ایرانی حکام ضبط کا مظاہرہ کریں اور غیر ضروری طاقت کے استعمال سے گریز کریں، ایران میں مواصلاتی سہولیات بحال اور اطلاعات تک رسائی کو یقینی بنایا جائے۔
