اسلام آباد:الیکشن کمیشن نے افسران کو ویب سائٹ پر اپ لوڈ فارمز 45، 46، 47، 48 اور 49 کی تصدیق کی ذمہ داری سونپ دی۔تفصیلات کے مطابق الیکشن کمیشن نے افسران کو ویب سائٹ پر اپ لوڈ فارمز45، 46، 47، 48 اور 49 کی تصدیق کی ذمہ داری سونپ دی ہے۔
چیف الیکشن کمشنر سکندر سلطان راجہ کی منظوری سے جاری نوٹیفکیشن کے مطابق این اے 1 سے 266 تک فارمز کی تصدیق کے ٹیم لیڈر محمد ناصر خان ہوں گے، پی کے 1 سے 115،پی پی 1 سے297،پی ایس 1 سے 120 اور پی بی 1 سے 51 تک کے ٹیم لیڈر کاشف عباس ملک ہوں گے جبکہ وقاص ملک کو تصدیق کے عمل کیلئے سپروائزر مقرر کیا گیا ہے۔
نوٹیفکیشن کے مطابق فارمز کی تصدیق کے انچارچ سید ندیم حیدر ہوں گے۔پولنگ اسٹیشنز کی لسٹ کے مطابق ان افسران پر مشتمل ٹیمز اپ لوڈ فارم 45 اور 46 کی تصدیق اور مسنگ فارمز کی نشاندہی کریں گی۔
الیکشن کمیشن نے کہا ہے کہ مسنگ فارم 45 اور 46 کی تفصیلات تیار کی جائیں گی، ٹیمز ان فارمز کی شناخت کریں گی جو پڑھنے کے قابل نہیں، ٹیمز اس کی بھی تصدیق کریں گی کہ تمام فارم 47، 48 اور 49 اپ لوڈ کئے گئے ہیں۔ ٹیم سات روز میں کام مکمل کرکے رپورٹ پیش کرے گی۔
