سابق ٹیسٹ کرکٹر شبیر احمد نے گراس روٹ لیول پر ناانصافیوں سے مایوس ہو کر ڈسٹرکٹ ڈیرہ غازی خان کے کوچ کا عہدہ چھوڑ دیا۔شبیر احمد نے کہا کہ گراس روٹ لیول پر کرکٹ کی خدمت کا عہد کیا تھا۔
انہوں نے کہا کہ گراس روٹ لیول پر مسائل ہی مسائل ہیں، گروپ بندی ہے، وزراء تک تعلقات ہیں، میرٹ پر اگر ہم کام کرنا چاہیں تو بہت مشکل پیش آتی ہے۔
سابق فاسٹ بولر کا کہنا ہے کہ یہاں پر جس کی لاٹھی اس کی بھینس والا سسٹم چلتا ہے، میرٹ کا خیال نہیں رکھا جاتا، ایک لڑکا پورا سال محنت کرتا ہے جبکہ دوسرا سفارشی اس کی جگہ لے لیتا ہے۔
شبیر احمد نے مزید کہا کہ انہی معاملات کی وجہ سے ہماری کرکٹ یہاں پہنچی اور ہم بنگلہ دیش سے ہار گئے۔
