اتوار, جولائی 27, 2025
تازہ ترینوفاق این ایف سی فنڈز براہ راست اضلاع کو دے، مصطفی کمال

وفاق این ایف سی فنڈز براہ راست اضلاع کو دے، مصطفی کمال

اسلام آباد: رہنماء ایم کیو ایم پاکستان مصطفی کمال نے وفاق سے این ایف سی ایوارڈ کے تحت فنڈز براہ راست اضلاع کو دینے کا مطالبہ کرتے ہوئے کہا ہے کہ اختیارات کی نچلی سطح پر منتقلی کو عملی جامہ پہنا رہے ہیں، پیپلز پارٹی کو لاجک یا درخواست سے منائینگے، گلیوں اور کچرا اٹھانے کے فیصلے کئی کلو میٹر دور بیٹھ کر نہیں ہوسکتے۔

تفصیلات کے مطابق اسلام آباد میں میڈیا سے گفتگو کرتے ہوئے رہنماء ایم کیو ایم پاکستان مصطفی کمال نے کہا کہ اٹھارویں ترمیم کے اختیارات نچلی سطح پر نہیں آئے،آئین میں لکھا ہے کہ اختیارات لوکل گورنمنٹ کودیئے جائیں، 32 ایسے ادارے ہیں جو لوکل گورنمنٹ کے ماتحت ہونے ہیں، وفاق این ایف سی ایوارڈ کے تحت اضلاع کو براہ راست فنڈز دے۔

انہوں نے کہا کہ ہم پیپلز پارٹی کو لاجک کے ساتھ یا درخواست کرکے منائیں گے، گلیوں اور کچرا اٹھانے کے فیصلے کئی کلو میٹر دور بیٹھ کر نہیں ہوسکتے، ملک میں ہر گلی میں یونین کونسل کا دفتر ہونا چاہئے، ایم کیو ایم واحد جماعت ہے جو اس وقت عوام کا سوچ رہی ہے۔

انہوں نے کہا کہ اختیارات کی نچلی سطح منتقلی کو عملی جامہ پہنا رہے ہیں، معاملے پر ایم کیو ایم ارکان کے دستخط سے آئینی ترمیم جمع کرائی ہے،ترمیم کا مقصد ہے کہ وزیراعلیٰ اختیارات کو یونین کونسل تک منتقل کریں۔

انہوں نے کہا کہ وفاق سے صوبے میں منتقل ہونے والے اختیارات وزیراعلیٰ تک محدود ہوگئے ہیں۔انہوں نے کہاکہ عوام سے جڑے تمام شعبے مقامی حکومتوں کے اختیار میں دیئے جائیں۔

انٹرنیوز
+ posts
متعلقہ خبریں
- Advertisment -
Google search engine

زیادہ پڑھی جانے والی خبریں

error: Content is protected !!