وزیراعظم نے آٹسٹک بچوں کیلئے سنٹر آف ایکسیلینس کے قیام کی ہدایت کرتے ہوئے ایک سال میں مکمل کرنے کا حکم دے دیا۔
وزیراعظم آفس کی جانب سے جاری نوٹیفکیشن کے مطابق وزارتِ وفاقی تعلیم و پیشہ وارانہ تربیت کو لیڈ رول سونپتے ہوئے سنٹرکی تکمیل کی ٹائم لائنز دسمبر 2026 مقرر کی گئی ہے۔
نوٹیفکیشن کے مطابق وزارت خزانہ کو بچوں کی ٹرانسپورٹیشن کیلئے 15 کوسٹرز کیلئے گرانٹ فراہم کرنے کی ہدایت کی گئی ہے، نوٹیفکیشن میں کوسٹرز کی فراہمی 60 دن میں یقینی بنانے کا حکم دیا گیا ہے۔
ہدایات پر عملدرآمد رپورٹ جلد وزیراعظم آفس کو بھجوانے کا حکم دیا گیا ہے۔
