حیدرآباد کے علاقے لیاقت کالونی میں ایک شادی کی انوکھی تقریب نے سوشل میڈیا پر دھوم مچادی ہے اور سب کی توجہ اپنی جانب مبذول کرائی ہے جس میں بارات کے دوران دولہے کو نوٹوں کا کئی میٹر طویل ہار پہنایا گیا، اس بارات کو مزید منفرد بنانے والی بات ایک اور بھی تھی کہ بارات میں شامل تمام افراد نے ایک جیسے لباس پہن رکھے تھے جس سے پورا ہجوم نہایت منظم، دلکش اور یادگار نظر آیا۔
دولہے کے گلے میں ڈالے گئے اس غیر معمولی کرنسی ہار اور باراتیوں کے ہم رنگ لباس کی ویڈیوز تیزی سے سوشل میڈیا پر وائرل ہو گئی جس میں دیکھا جا سکتا ہے کہ دولہا شہریار اپنے دوستوں کے اس شاندار اور مہنگے تحفے پر بیحد خوش دکھائی دے رہا ہے، اس منفرد ویڈیو نے دیکھنے والوں کو حیران کر دیا۔
