وزیراعلی خیبرپختونخوا سہیل آفریدی نے نئے سی ٹی ڈی ریجنل ہیڈکوارٹرز کے قیام، 186 ڈیٹیکٹیوز کو 638 مستقل فیلڈ آپریٹرز میں تبدیل کرنے کی منظوری دیتے ہوئے کہا ہے کہ وسائل کمی کو صوبے کے قیام امن میں رکاوٹ نہیں بننے دیں گے، سی ٹی ڈی اصلاحات، انفراسٹرکچر اور بھرتیوں پر عملدرآمد کیلئے ٹائم لائنز کے مطابق عملدرآمد یقینی بنایا جائے۔
منگل کو وزیراعلی خیبر پختونخوا سہیل آفریدی کی زیر صدارت کائونٹر ٹیرارزم ڈیپارٹمنٹ کا اجلاس ہوا جس میں سی ٹی ڈی کی کارکردگی پر تفصیلی بریفنگ دی گئی۔
اجلاس میں نئے سی ٹی ڈی ریجنل ہیڈکوارٹرز کے قیام سی ٹی ڈی کی گاڑیوں، اسلحہ اور جدید آلات کی فراہمی کیلئے 7ارب 77کروڑ روپے کی منظوری دی گئی۔
اجلاس میں صوبے کے 21 اضلاع میں سی ٹی ڈی دفاتر کی تعمیر کا منجمد ترقیاتی منصوبہ بحال کرنے کا فیصلہ کیا گیا، 4 ارب 30کروڑ روپے لاگت سے ضلعی سطح پر سی ٹی ڈی کی توسیع کی جائے گی۔
وزیراعلی نے سی ٹی ڈی کے 186ڈیٹیکٹیوز کو 638مستقل فیلڈ آپریٹرز میں تبدیل کرنے کی بھی اصولی منظوری دی جو سائبر پیٹرولنگ، انٹلیجنس، سرویلنس اور فیلڈ آپریشنز انجام دیں گے۔
اس موقع پر سہیل آفریدی نے ہدایت کی سی ٹی ڈی اصلاحات، انفراسٹرکچر اور بھرتیوں پر عملدرآمد کیلئے ٹائم لائنز کے مطابق عملدرآمد یقینی بنایا جائے ، تمام سی ٹی ڈی تعمیراتی منصوبوں میں سیفٹی پروٹوکولز پر بھی عمل کیا جائے۔
انہوں نے کہا کہ کہ صوبائی سنجیدگی سے امن و امان کے قیام پر کام کر رہی ہے، وسائل کی کمی کو صوبے کے قیام امن میں رکاوٹ نہیں بننے دیں گے۔
