ایک ماہ قبل نائجر سے اغوا ہونیوالے 100 سکول بچوں کی بحفاظت بازیابی یقینی بنائی گئی ہے، اغوا کے واقعے میں بڑی یہ پیشرفت گزشتہ روز سامنے آئی۔
غیر ملکی میڈیا کے مطابق واقعہ ملک کی حالیہ تاریخ کے بدترین اجتماعی اغوائوں میں شمار ہوتا ہے۔
21 نومبر کو مسلح افراد نے سینٹ میری کیتھولک بورڈنگ سکول، پاپیری پر دھاوا بول کر 303 بچوں اور 12 سٹاف کو اغوا کر لیا تھا۔
فائرنگ اور بھگدڑ کے دوران 50 بچے فرار ہونے میں کامیاب ہوئے تاہم باقی بچوں اور عملے کے بارے میں کئی ہفتوں تک کوئی اطلاع نہیں ملی تھی۔
غیر ملکی میڈیا کے مطابق بچوں کی رہائی کی تصدیق کی گئی ہے مگر اس کی تفصیلات فوری طور پر جاری نہیں کی گئیں۔
نائجر سٹیٹ حکام اور کرسچین ایسوسی ایشن آف نائجیریا نے کہا ہے کہ انہیں وفاقی حکومت کی جانب سے باضابطہ طور پر آگاہ نہیں کیا گیا۔
کرسچین تنظیم کے ترجمان ڈینیئل اٹوری کا کہنا تھا کہ ہمیں ابھی تک حکومت کی جانب سے باضابطہ اطلاع نہیں ملی، مگر امید ہے خبر درست ہو، ہم باقی بچوں کی جلد بازیابی کے منتظر ہیں۔
