بھارت سے تعلق رکھنے والے نرسری کے طالبعلم نے تاریخ رقم کردی، سروگیہ سنگھ کشواہا تین سال، سات ماہ اور 20 دن کی عمر میں FIDE کی باضابطہ ریٹنگ حاصل کر کے شطرنج کی تاریخ کے کم عمر ترین کھلاڑی بن گئے ہیں۔بھارتی ریاست مدھیہ پردیش کے کشواہا کی تیز رفتار درجہ بندی 1,572 ہے، انہوں نے ہم وطن انیش سرکار کا سابقہ ریکارڈ توڑ دیا جنہوں نے گزشتہ سال نومبر میں تین سال، آٹھ ماہ اور 19 دن کی عمر میں یہ سنگ میل حاصل کیا تھا۔
کشواہا کے والد سدھارتھ سنگھ نے بیٹے کی کامیابی کو بڑے فخر اور اعزاز کی بات قرار دیتے ہوئے کہا ہم چاہتے ہیں کہ وہ گرینڈ ماسٹر بنے۔اپنی ریاست اور ملک کے دیگر حصوں میں ہونیوالے مقابلوں میں کشواہا نے ریٹنگ کے حامل تین کھلاڑیوں کو شکست دیکر اپنی ریکارڈ توڑ درجہ حاصل کی۔
بھارت شطرنج کے گرینڈ ماسٹر کھلاڑیوں کا ایک مستحکم ملک ہے اور اس نے چوٹی کے ستارے پیدا کیے ہیں جن میں تازہ ترین عالمی چیمپئن گوکیش ڈوماراجو اور پانچ بار کے ورلڈ کپ فاتح وشواناتھن آنند شامل ہیں۔
